Ummæli við „Göngugarpar“

Ummæli við „Dagskrá“ skrifar gongugarpar

Tue, 02 Nov 2010 11:58:59 +0000

Í desember er reynt að hafa göngurnar frekar stuttar. Svona meira til að viðra sig. Svo er spennandi að fara einu sinni á kaffihús saman. Reynum að mæta sem flest. Það er ótrúlegt hvað maður fær mikla orku eftir göngu til að takast á við jólastússið.
Dagga

Ummæli við „Dagskrá“ skrifar gongugarpar

Mon, 11 Oct 2010 14:24:23 +0000

Göngugarpar athugið. Ef veðrið er ekki upp á það besta, er samt hægt að mæta í göngu og þá breytum við bara. göngum t.d. góðan óveðurshring í Heiðmörk. Látum ekki veðrið stoppa okkur, alltaf hressandi að fá sér smá göngu.
Dagga

Ummæli við „Hugmyndir“ skrifar gongugarpar

Mon, 04 Oct 2010 11:18:45 +0000

Í göngu s.l. sunnudag komu upp þessar hugmyndir af göngum.
Gengið frá Hvaleyrarvatni að Kaldárseli og góðan hring til baka.
Ekið að Djúpavatni og gengið þaðan að Vigdísarvöllum. Nokkrir fallegir gígar á leiðinni. Gengið að Krókamýri og þaðan yfir hálsinn, framhjá Grænavatni og Spákonuvatni og yfir hálsinn aftur hjá Soginu og ´niður að Djúpavatni í bíla.

Ummæli við „Gestabók“ skrifar Dagbjört Matthíasdóttir

Mon, 20 Sep 2010 09:22:58 +0000

Sæl Björk . Endilega slástu í för með okkur í einhverja gönguna og sjáðu hvort þér líkar. Við göngum saman hver og einn á sína ábyrgð. Göngurnar eru mislangar, alltaf skemmtilegar, misfjölmennar. Við viljum fá sem flesta með. Það kostar ekkert að koma í göngur með okkur. Við sameinumst í bíla og reynum að skiptast á. Stundum förum við í lengri ferðir með gistingu eða rútu og er þá greitt kostnaðarverð. Ef þú vilt vita meira um okkur getur þú líka hringt.
Vona að þú látir sjá þig.
Dagga 690-8282

Ummæli við „Hugmyndir“ skrifar Torfi

Sun, 27 Dec 2009 12:56:07 +0000

Sæl,

í göngu á Úlfarsfell 27.12.09 komu hugmyndir að dagsgöngum:

Skálafell við Esjuna

Innstidalur við Skarðsmýrarfjall (Hellisheiðarvirkjun)

Svo bauð Júlía Göngugörpum að koma til sín eftir gönguna 10. janúar og ákveða göngur eitthvað fram eftir vetri og ræða hugmyndir um lengri ferðir.

Júlía lofaði að bjóða upp á dýrindis smákökur.

Ummæli við „Hugmyndir“ skrifar Begga

Sun, 20 Dec 2009 18:19:00 +0000

Komið þið sæl kæru göngugarpar Ég ætla að setja inn nokkrar tillögur að göngum Þar ber fyrst að nefna Kjalarnesið passlega löng ganga um sérkennilegt umhverfi sem nýtur sín ekkert síður í vetrarskrúðanum. Keilisnesið og skoða fjárborgina Staðarborg það er orðið langt síðan við gengum fyrir Keilisnesið. Og svo er það Stardalurinn við gengum hann á miðvikudegi s.l. vor örugglega ekkert síðri í vetrarskrúðanum. Alltaf gaman að ganga Álftanesið í fylgd Júlíu Læt þetta duga en hvet ykkur til að setja inn hugmyndir.

Ummæli við „Hugmyndir“ skrifar jean posocco

Tue, 20 Oct 2009 10:55:10 +0000

Sæl, Ég er ekki með hugmynd af gönguferðum en mig langar að spyrja hvort hægt sé að senda inn ljósmyndir af göngunum sem maður hefur tekið þátt í til að sýna öðrum.
Bestu kveðjur
Jean

Ummæli við „Gestabók“ skrifar Hafdís Rut Rudolfsdóttir

Tue, 21 Jul 2009 17:40:14 +0000

Sendi inn þakkir fyrir mig og mína- tókum þátt í göngunni ykkar þann 12. júl á Móskarðshnjúka- þarna hittum við hresst og skemmtilegt fólk sem tók okkur sérstaklega vel:) takk fyrir það. þetta var fyrsta en ekki síðasta gangan sem ég þakka fyrir að fá að taka þátt í með ykkur. Verst að missa af Langahrygg og Henglinum en sjáumst á Úlfarsfellinu, mínu heima fjalli.
Sólarkveðjur Hafdís Rut

Ummæli við „Gestabók“ skrifar Erica

Wed, 01 Jul 2009 08:11:55 +0000

Jag saknar er alla mycket och alla fina turer i naturen. I sure hope to see you soon. Me and my boyfriend (Patrik)are hoping to come to see you soon. Thank you all for making my stay on Iceland so fantastic!!!!
/Erica

(Daggas friend from Sweden)

Ummæli við „Gestabók“ skrifar Díana Lind

Sat, 16 May 2009 17:18:37 +0000

hæhæ göngugarpar!
Það var alveg hreint æðislegt að ganga með ykkur síðasta sumar og ég get ekki beðið að byrja aftur að ganga með ykkur í sumar. Nú þegar skólinn er búinn hjá mér ætla ég að byrja að ganga á ný af krafti og eiga alveg hreint æðislegt sumar með ykkur! sjáumst hress næsta miðvikudag.
Kveðja Díana Lind Sigurjónsdóttir

Ummæli við „Gestabók“ skrifar Eygló

Thu, 23 Apr 2009 14:53:09 +0000

Hæ allir. Miðvikudagsgangan í gærkvöldi var hreint út sagt frábær, gengum út á Geldinganes í þvílíku logni og blíðu eftir votviðrasaman dag. Fórum síðan í heitapottinn í Salalaug á eftir. Kveðja, Eygló

Ummæli við „Gestabók“ skrifar kolbrún guðnadóttir

Tue, 14 Apr 2009 18:23:22 +0000

hæhæ ég er bara að hugsa um að vera með allavega á akrafjallið og örugglega meira í sumar þetta er svo frábært að fara í svona göngur. en hvernig er það er ekki sameinast um bíla? hlakka til að sjá ykkur kv kolbrún

Ummæli við „Símaskráin“ skrifar Margrét

Mon, 12 Jan 2009 15:31:45 +0000

Komið sæl
ég hef ætlað að fari í gönguferð með ykkur um nokkurt skeið. Má ég taka með mér hund sem er í bandi allan tímann?
kveðja Margrét

Ummæli við „Gestabók“ skrifar Lára Jóna

Sun, 07 Dec 2008 23:18:08 +0000

Göngugarpar takk fyrir frábæra hellaferð í dag,sú yngsta var 5 mánaða og sá elsti 72 ára geri aðrir betur, við vorum eitthvað um 20 sem mættum í hellinn Leiðarenda mikil stemming myndaðist hjá okkur þegar Siggi Hannesar spilaði jólalögin á nikkuna og við sungum.Yndisleg stund.Sjáumst fljótt aftur. kveðja Lára jóna

Ummæli við „Síða göngugarpa“ skrifar gongugarpar

Mon, 27 Oct 2008 14:17:11 +0000

Í gær átti að fara einn hluta af Reykjaveginum. En sökum fannfergis á Djúpavatnsveginum þurftum við að finna okkur aðra leið. Lögðum við því við afleggjaran að Djúpavatni og gengum meðfram Sveifluhálsinum og lögðum svo á brattan og yfir hann eftir dágóða göngu. Það var mikið ævintýri að komast þarna yfir því snjórinn var slíkur. Sukkum við hvað eftir annað upp í klof. Eins og myndirnar sína rákumst við líka á tröllkarl og svo litla mús, sem helst vildi vera hjá okkur. Okkur langaði líka að taka hana heim.
Við sáum í þessari ferð, að líklegast getum við ekki farið alla Reykjavegsgönguna svona að vetrarlagi. Næsta ganga gæti verið í lagi, þar sem hún er auðrötuð og auðvelt að koma bílum upp að Kaldárseli. Sú ganga hefst við afleggjarann að Djúpavatni. En við viljum leggja áherslu á það, að reynist veður válynd, munum við bara finna okkur aðra leið. Við munum ákveða það á bílaplaninu þar sem við hittumst. Á þetta við um allar göngur yfir veturinn. Svo það er um að gera að mæta og sjá til. Gangan í gær var ein af þessum göngum sem standa upp úr. Ævintýri bak við hvern stein.

Ummæli við „Gestabók“ skrifar Begga

Mon, 22 Sep 2008 11:25:13 +0000

Nokkur orð um gönguna í gær Það leit bara nokkuð vel út með gönguveður þegar ég vaknaði í morgun um áttaleytið. En uppúr 9. gerði hressilega skúr. Má vera að hún hafi fællt fólk frá að mæta því við vorum aðeins 4. sem mættum við Fjarðarkaup.Það voru undirrituð og Júlía Tómas og Kristín. Við ákváðum að gengið skildi á Mávahlíðar frá Djúpavatnsvegi þar sem vegurinn uppað Keili er frekar erfiður fólksbílum. Það passaði þessi vegur er mikið greiðfærari og styttra að keyra. Örlítið lengra að ganga en þægileg leið með ótal götuslóðum. Nokkrar skúrið komu öðru hverju en þess á milli ljómaði sólin á nýþvegnum fjöllunum. Þetta var mjög fín ganga í góðum félagsskap einsog alltaf. Myndavélin mín varð eftir heima en Tómas tók nokkrar myndir sem vonandi rata inná síðuna síðar. Með göngukveðjum Begga.

Ummæli við „Göngugarpar á ferð og flugi……………………………….“ skrifar gongugarpar

Mon, 15 Sep 2008 21:21:37 +0000

Ummæli :
Gott hjá ykkur! Að fara tvö í Reykjanesgönguna Þannig er það yfirleitt Ekki taka mark á gluggaveðri Það er yfirleitt betra þegar á hólminn er komið Og til hvers að eiga rándýr regnföt og gefa þeim aldrei færi á að sanna sig Göngukveðjur sjáumst Begga.

Ummæli við „Gestabók“ skrifar gongugarpar

Wed, 10 Sep 2008 09:40:30 +0000

Var að lesa dagskránna til áramóta. Spennandi og metnaðarfull dagskrá. Vonandi kemst maður í sem flestar göngurnar. (Helst allar) Hlakka líka til Reykjavegsins.
Kveðja Dagga

Ummæli við „Hugmyndir“ skrifar Hjördís Hilmarsdóttir

Tue, 08 Jul 2008 08:44:11 +0000

Ég er með aragrúa af hugmyndum af gönguferðum fyrir Göngugarpana á Austurlandi. Mér finnst kominn tími til að þið skellið ykkur austur eina helgi og gangið t.d. að Þerribjörgum. Endilega hafið þetta í huga þegar þið skipuleggið sumarið 2009. Ég get örugglega verið ykkur innan handar með að fá sem ódýrasta gistingu.
kveðja úr sveitinni Hjördís

Ummæli við „Hugmyndir“ skrifar gongugarpar

Thu, 12 Jun 2008 10:31:10 +0000

Hugmyndir sem hægt væri að nota í miðvikudagsgöngum: Ganga kringum Reykjafell í Mosfellsbæ eftir gömlum vegi. Auðveld ganga.
Nýr göngustígur í Mosfellsbæ sem liggur frá Helgafelli og líklega niður á Reykjalund. Góð vetrarganga.
Eins höfum við einhverja hluta vegna aldrei gengið á Hafrafjallið, sem er þó rétt við túnfótinn hjá okkur.
Bestu göngukveðjur og verið dugleg að koma með hugmyndir.
kveðja
Dagga

Ummæli við „Hugmyndir“ skrifar Begga

Sun, 18 May 2008 21:18:13 +0000

Kæru göngugarpar Takk fyrir samveruna í dag Mig langar að koma á framfæri hugmyndum að göngum á sunnudögum fyrir sumarið Fyrst er þá að nefna göngu eftir Hafnarbjargi sunnan Hafna á Reykjanesi. Önnur ganga frá Stafnsnesi inní Hafnir Svo bíður Ögmundarhraun en veðrið stoppaði okkur á sunnudaginn fyrir viku Og svo að ganga á Meðalfell í kjós. Læt þetta duga í bili Með kærri kveðju Begga

Ummæli við „Hugmyndir“ skrifar Begga

Sat, 05 Apr 2008 15:41:54 +0000

Set hér inn nokkrar hugmyndir fyrir miðvikudagana nú er vor í lofti og um að gera að bregða sér útfyrir bæinn og jafnvel hafa smá bratta öðru hverju kv Begga. Æsustaðafjall gengið frá Skammadal upp fjallið og niður hjá Æsustöðum og fram hjá Hlaðgerðarkoti til baka. um 2 til 2 og hálfur tími. Gálgaklettur og fjaran í átt að Bessastöðum um 2 tímar Reykjafell ofan við Reykjalund. um 2 tímar. Vífilsstaðahlíð Vifilstaðavatn hringur um 2 tímar. Læt þetta duga í bili talfan mín er að stríða mér þannig að ég kem ekki ferðasögunni frá degi eitt inn hvorki á þennan vef eða póstinn með göngukveðjum Begga.

Ummæli við „Gestabók“ skrifar Eygló

Sun, 23 Dec 2007 23:14:57 +0000

Það voru 5 göngugarpar sem mættu á Þorláksmessumorgun og gengu frá Haukahúsinu á Ásvöllum upp á Ásfjallið. Sem í dag virðist bara hundaþúfa í augum þeirra sem ólust upp í Hafnarfirði, miðað við stærð fjallsins á æskudögum þeirra. En dagurinn var bjartur og veður stillt. Og hægt var að njóta útsýnis frá Ásfjallinu. Fín ganga eins og alltaf, þótt við söknuðum vissulega hinna sem voru ábyggilega að baka eða kaupa jólagjafir. Gleðileg jól öll sömul.

Ummæli við „Gestabók“ skrifar Margrét Matthíasdóttir

Sun, 16 Dec 2007 22:00:00 +0000

Sunnudagur 16. desember
Klukkan 10 f.h. hittust sex hughraustir (sumir segðu brjálaðir) göngugarpar við Össur. Áætlað hafði verið að ganga í Stardal en þar sem ekki var útséð um að líkamsþyngd allra myndi duga til að halda fólki á jörðinni var ákveðið að ganga svokallaðan óveðurshring í Heiðmörkinni.
Við fundum ekki mikið fyrir roki og rigningu á meðan við gengum inni á milli fallegra grenitrjáa. Við fundum okkur skjólsælan lund til að snæða nestið okkar, aðallega heimabakaðar smákökur bakaðar af Döggu og Magga. Fyrir ofan okkur æddi stormurinn í trjánum en við sátum í skjóli og heyrðum einungis hvininn í rokinu.
Þegar út á bersvæði var komið urðu sumir, sem ekki eiga nógu góðan regngalla, t.d. undirrituð, blautir inn að beini. Það kom þó ekki mikið að sök því að ekki var kuldanum fyrir að fara.
En viti menn: Allt í einu blasti við okkur grenitré, skreytt jólakúlum, glimmeri, jólaenglum og jólasveinum, mitt í rokinu og rigningunni í Heiðmörkinni! Gummi, sem yfirleitt er ekki mikið fyrir að skreyta jólatré, safnaði upp jólakúlum, sem fokið höfðu af trénu, og hengdi samviskusamlega aftur á tréð.
Göngunni lauk svo eftir tæpa tvo tíma. Menn voru blautir en ánægðir og hressir þegar þeir stigu upp í bíla sína og ég er ekki frá því að einhverjir hafi losnað við höfuðverkinn út í rokið.

Ummæli við „Gestabók“ skrifar Begga

Sun, 09 Dec 2007 17:54:06 +0000

Ganga um Sléttuhlíð 9/12

Við vorum 5. sem gengum um Sléttuhlíðina í morgun. Það var einsog við værum að ganga í stóru jólakorti af fegurstu gerð. Ég reyndi af bestu getu að fanga þetta á mynd og afrakturinn má sjá á myndasíðunni. Við hófum gönguna á því að ganga uppá hæð þannig að við sáum vestur á Snæfellsnes og suður í Keflavík. Snæfellsnesfjallgarðurinn minnti á ótal sykurtoppa baðaður í daufum bjarma rísandi sólar. Því miður náði ég ekki að fanga þetta á mynd. Ljósin meðfram Keflavíkurveginum minntu risastóra jólaseríu. Þegar við höfðum gengið nokkurn spöl eftir hæðinni og virt þessa dýrð fyrir okkur fórum við niður að bústöðunum og drukkum þar kaffi. Þar var hafið máls á því hvort ekki væri kominn tími á að fara að huga að þorrablóti göngugarpa í vetur og vorum við sammála um að upplagt væri að halda það í Vík ef þess væri kostur. Eftir kaffið gengum við svo eftir hestaslóðinni niður að fjárhúsinu þar sem bílarnir biðu okkar. Gangan tók nákvæmlega 2. tíma. Þetta var fegursta desemberganga sem ég hef tekið þátt í. Þegar heim kom var auðvelt að hefja smá jólahreingerningu orkan sem svona ganga gefur er svo mikil! Lifið heil kveðja Begga.

Ummæli við „Gestabók“ skrifar Dagga

Tue, 20 Nov 2007 14:56:55 +0000

Þetta hefur verið ánægjuleg ganga á Sveifluhálsinn. Sé það á myndunum. Landslagið verður ekki fallegra en einmitt þegar sólin er lágt á lofti og sendir sína gullnu geisla yfir allt. Myndirnar eru líka frábærar. Hlakka til næstu helgar, vonandi verður jafngott gönguveður.
Kv.
Dagga

Ummæli við „Gestabók“ skrifar Lára Jóna

Sat, 27 Oct 2007 20:56:35 +0000

Hæ hæ,
veit nokkur hvað gangan verður löng á morgun?
kv. Lára Jóna

Ummæli við „Gestabók“ skrifar Lára Jóna

Thu, 11 Oct 2007 23:51:41 +0000

hæ hæ,
Dagga og Maggi flott sýða hjá ykkur gott framtak
Takk fyrir frábæra göngu sl. sunnudag þvílíkur dásemdardagur…margar myndir teknar og eru fallegar ég er í vandræðum með að setja þær inn eitthvað problem með tölvuna en reyni mitt besta að koma þessu í gegn sem fyrst. Bestu kveðjur Lára Jóna

Ummæli við „Gestabók“ skrifar Dagga

Tue, 09 Oct 2007 13:52:23 +0000

Líst vel á þetta með Guffa grís, sér í lagi til að mæta himinháum útgjöldum vegna týndra vaðskóa.
Dagga

Ummæli við „Gestabók“ skrifar gongugarpar

Sun, 07 Oct 2007 22:36:54 +0000

Gaman að heyra frá frábæri göngu í dag. Við Dagga erum að ná okkur eftir mánaðarlanga kvefpest og mætum hress innan skamms.
Maggi.

Ummæli við „Gestabók“ skrifar Eygló

Sun, 07 Oct 2007 15:33:38 +0000

Gleymdi að segja frá Guffa grís sem nú er með í öllum ferðum á sunnudögum. Í hann munum við safna til að koma á móts við ófyrirsjáanleg útgjöld eins og t.d. týnda vaðskó, týnt fólk eða þannig!!!! Svo er að sjálfsögðu ekki y í sólskin en það var eiginlega tvöfalt sólskyn í dag.
Sjáumst.

Ummæli við „Gestabók“ skrifar Eygló

Sun, 07 Oct 2007 15:21:03 +0000

Í dag 7. október 2007 kl. 10:55 var gengið upp á Vatnshlíðarhorn. Uppgangan hófst gegnt Sveifluhálsi. Þegar upp var komið var tekin kaffipása í brúnalogni og sólskyni. Mættir voru 7 rauðstakkar með grænu og bláu ívafi þ.e.a.s. Eygló, Begga, Ragga, Herdís, Júlía, Lára Jóna og Áslaug. Þarna uppi leit Helgafellið út eins og fitubolla með minni fitubollu þ.e. Húsfellið á bak við sig. Áfram var gengið og komið niður í Breiðdal og gengið aftur að bílum, þá var kl. 13:20. Allir ánægðir með þessa fínu göngu í þessu fína veðri.

Ummæli við „Gestabók“ skrifar Ragga

Sat, 22 Sep 2007 15:59:17 +0000

Líst vel á þetta framtak.